Fljótlegt og gott lasagna með hvítri sósu

Uppskrift: Linda Ben

Hráefni:

• 1 pakki nautahakk
• 1 pakki ferskar lasagna plötur
• ½ rauðlaukur, smátt skorinn
• 3 meðal stórar gulrætur
• 2 hvítlauksgeirar
• 1 stór krukka (750 ml) pastasósa
• 1 msk ítölsk kryddblanda
• ½ tsk salt
• 1 tsk pipar
• þ.b. 1 stór lúka spínat, sjá aðferð
• 300 g Philadelphia rjómaostur
• 1 egg
• 100 g rifinn ostur

Aðferð:

1. Byrjið á því að kveikja á ofninum og stilla á 200°C.
2. Skerið laukinn, og gulræturnar smátt niður. Steikið grænmetið á pönnu þangað til laukurinn er orðinn vel mjúkur.
3. Bætið þá hakkinu út á pönnuna og steikið það þangað til það er fulleldað.
4. Skerið hvítlauksgeirana smátt niður og steikið þá létt með hakkinu. Bætið sósunni út á pönnuna. Kryddið sósuna svolítið eftir smekk.
5. Setjið rjómaost í skál og hrærið hann þangað til hann verður mjúkur. Bætið þá 1 eggi saman við og hrærið saman.
6. Takið ykkur frekar stórt eldfast mót, setjið þunnt lag af kjötsósu í botninn og leggið svo lasagna plötur yfir. Setjið 1/3 af hvítu ostasósunni yfir lasagna plöturnar. Takið 1 góða lúku af skoluðu+þerruðu spínati og dreifið yfir. Setjið svo kjötsósu+lasagna plötur+hvítasósu yfir og endurtakið það svo í þriðja skiptið.
7. Dreifið rifnum osti yfir og bakið inn í ofni í 25 mín.

Vinó mælir með Adobe Reserva Cabernet Sauvignon með þessum rétt.