Ostabakki með salamírós og bökuðum osti með myntu og jarðarberjum
Hráefni
1 x Brie ostur
200 g jarðarber (skorin í teninga)
1 msk. púðursykur
1 msk. balsamik glaze
2 msk. hunang
1 lúka saxaðar kasjúhnetur
Nokkur myntulauf (söxuð)
Aðferð
Hitið ofninn í 180°C og setjið ostinn í eldfast mót.
Bakið hann í um 10 mínútur og útbúið jarðarberjatoppinn á meðan.
Hitið saman púðursykur, balsamik glaze og hunang þar til sykurinn er bráðinn.
Takið af hellunni og hrærið jarðarberjunum varlega saman við.
Hellið yfir ostinn þegar hann kemur úr ofninum og toppið með söxuðum kasjúhnetum og vel af myntu.
Annað á ostabakka
Salamirós (ég notaði ítalska salami með kryddkanti, um 10 sneiðar)
Grissini stangir vafðar í hráskinku
Chili sulta
Grettir ostur
Möndlur
Döðlur
Súkkulaðihjúpaðar hnetur og ávextir
Jarðarber
Ostateningar (Gouda sterkur)
Ritz kex/annað kex
Með fallegu sólskini passar einstaklega vel að bjóða upp á rósavín með ostunum, það er klárlega hin fullkomna tvenna!
