Andabringur með rauðvínssósu
Fyrir 3-4
Andabringur uppskrift
Hráefni
2 x Valette andabringur
Salt og pipar
Aðferð
Leyfið andabringunum að ná stofuhita áður en þið eldið þær.
Hitið ofninn í 160°C.
Skerið tígla í fituna án þess að fara í gegn í kjötið og nuddið grófu salti í hana alla.
Steikið á fremur háum hita í 4-5 mínútur með fituhliðina niður, takið alla umfram fitu jafnóðum af pönnunni svo fituhliðin verði stökk.
Steikið síðan í um 2-3 mínútur á hinni hliðinni, saltið og piprið báðar hliðar eftir smekk.
Færið í ofninn í um 15 mínútur til viðbótar eða þar til kjarnhiti nær 60°C.
Leyfið bringunum að standa í að minnsta kosti 10-15 mínútur áður en þið skerið þær niður í þunnar sneiðar.
Rauðvínssósa uppskrift
Hráefni
30 g smjör
1 laukur
2 meðalstórar gulrætur
2 hvítlauksrif
350 ml Muga rauðvín
400 ml vatn
2 msk. fljótandi Oscar nautakraftur
1 msk. soyasósa
2 lárviðarlauf
3 negulnaglar
1 anísstjarna
1 tsk. salt
½ tsk. pipar
2-3 msk. Maizenamjöl
Aðferð
Skerið lauk og gulrætur gróft niður og steikið upp úr smjörinu ásamt hvítlauknum. Leyfið að malla í nokkrar mínútur eða þar til grænmetið mýkist.
Hækkið þá aftur hitann, hellið rauðvíninu í pottinn, náið upp suðunni og leyfið því að sjóða niður í nokkrar mínútur á meðalháum hita.
Þá má setja öll önnur hráefni í pottinn (nema Maizenamjöl) og hækka aðeins undir aftur til að ná upp suðunni að nýju, lækka síðan vel niður og leyfa að malla í að minnsta kosti 30 mínútur, lengur ef þið hafið tíma.
Sigtið þá allt gumsið frá, hellið sósunni aftur í pottinn, náið upp hitanum að nýju og þykkið eftir smekk með Maizenamjöli. Sósan má síðan alveg hvíla við mjög lágan hita á meðan þið klárið aðra eldamennsku.
Annað meðlæti og samsetning
Hráefni
Um 1,2 kg kartöflur
30 g smjör
300 ml nýmjólk
1 msk. sykur
½ tsk. salt
30 g rifinn parmesan ostur
Aðferð
Skrælið kartöflurnar og sjóðið þar til þær verða mjúkar og hellið þá vatninu af þeim.
Setjið öll önnur hráefni í pottinn og stappið saman með kartöflustöppu, eða setjið allt saman í hrærivélarskálina og blandið vel saman.
Marineraðir sveppir
Hráefni
Um 300 g kastaníusveppir
4 msk. Filippo Berio ólífuolía
2 msk. Filippo Berio balsamikgljái
2 msk. soyasósa
2 msk. púðursykur
2 rifin hvítlauksrif
1 tsk. saxað timian
Aðferð
Hitið ofninn í 200°C.
Blandið öllum hráefnum saman í skál fyrir utan sveppina.
Veltið sveppunum næst upp úr blöndunni, setjið í eldfast mót og bakið í ofninum í 40 mínútur.
Gott er að velta sveppunum upp úr marineringunni nokkrum sinnum á meðan þeir eru í ofninum.
