Grænmetis núðluréttur með rauðu karrí mauki
Hráefni
125 g eggjanúðlur
2 msk ólífu olía
1 laukur
2-3 hvítlauksgeirar
250 g sveppir
1 rauð paprika
½ zucchini
2 gulrætur
2 tsk maukað engifer
2 msk rautt karrý mauk
1 msk soja sósa
½ tsk salt
½-1 stk grænmetiskraftur
2 dósir (800 ml) kókosmjólk
1-2 tsk sesam fræ (má sleppa)
Þurrkað chillí krydd (má sleppa)
Aðferð
Skerið laukinn smátt niður og steikið á pönnu upp úr ólífu olíu. Skerið sveppina, gulræturnar, zucchini og papriku og steikið á pönnunni.
Rífið engiferið og hvítlaukinn niður og bætið út á pönnuna. Bætið rauða karríinu út á ásamt kókosmjólkinni, soja sósu, grænmetiskrafti og salti. Látið suðuna koma upp og smakkið til.
Setjið núðlurnar út í og setjið lokið á pottinn, sjóðið varlega saman þar til núðlurnar eru tilbúnar.
Berið fram með sesam fræjum og þurrkuðum chillí flögum ef þið viljið.
