Hátíðarréttir
Það er svo gaman að gera sér dagamun yfir aðventuna og útbúa létt hlaðborð fyrir fólkið sitt og skapa saman notalega stund. Hér eru nokkrar góðar og einfaldar hugmyndir og uppskriftir fyrir ykkur.
Laufabrauð með smjöri og reyktum lax
Snitta með trönuberjasultu
Hráefni
1 x snittubrauð
2 x brie ostur
Trönuberjasulta (má kaupa tilbúna)
Rifsber til skrauts
Aðferð
Skerið brauðið í sneiðar og ristið í ofni við 200°C í um 3 mínútur.
Setjið þá væna sneið af brie osti ofan á og næst trönuberjasultu og rifsber til skrauts.
Bakaður ostur með kanil og appelsínukeim
Hráefni
1 x brie ostur
2 msk. púðursykur
3 msk. maple sýróp
½ tsk. kanill
70 g pekanhnetur
Rifinn appelsínubörkur
Aðferð
Bakið ostinn í eldföstu móti við 180°C í um 10-12 mínútur.
Hitið á meðan púðursykur, sýróp og kanil saman í potti og saxið niður pekanhneturnar.
Þegar sykurinn er uppleystur má setja hneturnar saman við og hella öllu saman yfir ostinn þegar hann kemur úr ofninum.
Stráið að lokum appelsínuberki yfir allt saman og njótið með góðu kexi/brauði.
Tartalettur
Hráefni
10 stk tartalettur
1 askja sveppaostur
300 g aspas í dós
300 g hamborgarhryggur (niðurskorinn)
Rifinn Cheddar ostur.
Aðferð
Hrærið saman sveppaosti, aspas og skinku.
Skiptið niður í tartalettuformin, stráið vel af osti yfir og bakið við 180° í 15-17 mínútur.
Ostabakki
Góð skinka og pylsur
Kex og baguette
Kastali og Grettir ostar
Niðurskorinn Havartí með trönuberjum
Orange Twist Toblerone
Súkkulaðihúðaðar kasjúhnetur
Mandarínur
Hindber og rifsber
Ristaðar fíkjusneiðar
Hráefni
Gott súrdeigsbrauð (10 sneiðar)
2 x Dala brie ostur
Klettasalat
10 sneiðar hráskinka
Ferskar fíkjur
Ólífuolía
Gróft salt
Aðferð
Sneiðið niður brauðið, penslið með ólífuolíu og stráið smá grófu salti yfir.
Skerið ostinn í sneiðar og geymið (það fara síðan um 3 ostsneiðar á hverja brauðsneið).
Ristið brauðsneiðarnar í 200°C heitum ofni í um 2-3 mínútur, takið út og setjið ostinn yfir, ristið áfram í um 1 mínútu eða þar til osturinn bráðnar aðeins niður og leyfið hitanum að rjúka vel úr sneiðinni.
Setjið eina hráskinkusneið yfir ostinn, næst smá klettasalat og að lokum niðurskornar fíkjusneiðar.
