Spaghetti í rauðvínslagaðri kjötsósu
Hráefni
250 g spaghetti
500 g nautahakk
Ólífu olía
1 laukur
1 gulrót
2-3 hvítlauksgeirar
650 ml pasta sósa
1 msk ítölsk kryddblanda (oregano, timjan, basil)
1/8 tsk þurrkað chillí
1 dl rauðvín
Salt og pipar
Parmesan
Ferskt basil
Aðferð
Sjóðið spaghetti samkvæmt leiðbeiningum á umbúðum.
Skerið laukinn og gulrótina niður og steikið á pönnu upp úr ólífu olíu.
Bætið nautahakkinu út á pönnuna og steikið það í gegn.
Skerið hvítlaukinn eða pressið í gegnum hvítlaukspressu og steikið létt, bætið svo pastasósunni út á. Kryddið til með ítalskri kryddblöndu, chillí. Bætið rauðvíninu út á og blandið saman, kryddið með salti og pipar og smakkið til. Látið suðuna koma upp og leyfið að malla rólega í 4-5 mín. Bætið spagettíinu út á og blandið saman.
Berið fram með parmesan og fersku basil.
