Fylltar kjúklingabringur
Uppskrift: Linda Ben
Hráefni:
- 4 stk kjúklingabringur
- 200 g philadelphia rjómaostur
- 1 dl rautt pestó
- 1 ½ dl grænar ólífur (stein lausar)
- Ítölsk kryddblanda
- Ferskt basil
- Parmesan ostur
Aðferð:
- Kveikið á ofninum og stillið á 200ºC.
- Blandið saman philadelphia, rauðu pestó og grænum ólífum sem hafa verið skornar í bita.
- Skerið þvert inn í kjúklingabringurnar þar sem þær eru þykkastar og myndið einskonar vasa fyrir fyllinguna. Setjið fyllinguna inn í vasann á hverri bringu, kryddið bringurnar með ítalskri kryddblöndu og setjið í eldfast mót. Ef það er afgangur af fyllingunni setjiði hana þá í eldfasta mótið líka.
- Bakið bringurnar inn í ofni í u.þ.b. 40 mín eða þar til þær eru eldaðar í gegn.
- Berið fram með ferksu basil, parmesan osti, auka rauðu pestó-i og smjör steiktum forsoðnum kartöflum sem hafa verið velt upp úr ítölsku kryddblöndunni.
Vinó mælir með Saint Clair Vicar’s Choice Sauvignon Blanc með þessum rétt.
