Spaghetti Carbonara
Spaghetti Carbonara er að okkar mati einn besti pastaréttur veraldar. Rétturinn er upprunninn frá héraðinu Lazio, nánar tiltekið Róm. Þennan dásamlega rétt er hægt að finna í ótal útgáfum en þessi uppskrift frá hinum þekkta ítalska sjónvarpskokk Gennaro Contaldo, rígheldur sig við upprunann, sem er nú oftast bestur.
Fyrir 4
Hráefni
1 msk. Extra virgin ólívu olía
200 g svína kinn (má nota beikon líka)
4 stórar eggjarauður
75 g rifinn pecorino ostur (má nota parmesan ost)
Salt og svartur pipar
400 g spaghetti – ferskt eða þurrt
Aðferð
- Sjóðið spaghetti samkvæmt leiðbeiningum. (saltið vatnið)
- Hitið olíu á pönnu og steikið kjötið þangað til að það er orðið vel stökkt.
- Hrærið eggjarauðurnar og pecorino ostinn saman í skál og saltið og piprið eftir smekk.
- Takið smá pasta vatn til hliðar (1-2 dl).
- Færið spaghetti yfir á pönnuna með kjötinu og bætið smá pasta vatni saman við og hrærið saman við vægan hita. Takið pönnuna af hitanum.
- Hellið eggjablöndunni út á pönnuna og blandið henni vel saman við. Bætið pasta vatni eftir þörf.
- Berið fram með rifnum pecorino osti og svörtum pipar.
