Hugmyndir fyrir kósýkvöldið
Nú þegar vetur konungur stendur sem hæst, með rigningu, slyddu eða snjókomu, jafnvel allt á sama degi, er nauðsynlegt að hafa það notalegt heima. Til að kvöldið fari á sem besta veg getur verið gott að skipuleggja það örlítið fyrirfram. Mikilvægast er að gefa sér tíma, taka því rólega, slökkva helst á snjallsímanum, dimma ljósin og kveikja á kertum. Og ekki má gleyma veigunum, útbúa t.d. ljúffengan drykk eða bjóða uppá eitthvað girnilegt kvöldsnarl og gott vín með. Hér má finna nokkrar góðar uppskriftir fyrir kósýkvöldið.
