Nottage Hill Chardonnay 2014

Vinotek segir:

Nottage Hill er lína suður-ástralskra vína frá vínhúsinu Hardy’s.  Þetta er suðrænn og ljúfur Chardonnay, nokkuð gulur litur, þarna er eik á ferðinni og fullt af suðrænum hitabeltisávöxtum í nefinu, ananas, mangó og melónur. Sætur ávöxtur í munni, eikin gefur fína fyllingu, þurrt og ferskt. Sumarvín, t.d. með grilluðum kjúkling eða laxi. 1999 krónur. Mjög góð kaup.