Vidal-Fleury Cotes-du-Rhone Blanc 2018

 

 

Vinotek segir;

„Cotes-du-Rhone er einhver þekktasta AOC eða upprunaskilgreining franskra rauðvína. Rhone-héraðið teygir sig suður frá borginni Lyon meðfram Rhone-fljótinu suður að Miðjarðarhafinu og innan Rhone má finna mörg af þekktustu víngerðarsvæðum Frakklands. Vidal Fleury er vínhús nyrst í Rhone, nánar tiltekið í þorpinu Ampuis undir hlíðum Cote-Rotie-vínekranna. Og þetta hvítvín ber þess líka greinilega merki að það kemur úr norðurhluta Rhone þar sem Viognier-þrúgan er algeng. Vínið er fagurgult á lit, liturinn er nokkuð djúpur. Í nefinu þurrkaðir ávextir, apríkósur, ferskjur, ristaðar hnetur, möndlur og heslihnetur, það er þurrt, langt og djúpt, örlítill byrjandi þroski í bragði sem gefur víninu dýpt. Frábært vín. 2.399 krónur. Frábær kaupa, magnað vín fyrir þetta verð. Hvítvin sem þolir vel sjávarrétti með sósum, hvort sem er t.d. beurre blanc eða rjómasósur. Með hvítu kjöti.“